လင်းရှပြာရီသော မီးတောက်မီးလျှံများက ပင်လယ်လှိုင်းလုံးကြီးတွေလို ခုံးဝုန်းထကာ၊သူ့ကို ဒေါသမာန်ဟုန်းဟုန်းဖြင့် စိုက်ကြည့် နေကြသည်။
မီးမှော်ဆရာထံ “ခေါစာ” ပစါကျွေးခံရရာမှ လူးထ ပြန်ပြေးခဲ့ရသော သားကောင်ပမာ သူ့ကိုယ်ပေါ်မှာ မီးခိုးမှိုင်းမျှင်များက ရစ်ခွေလိမ်ပတ်လျက်။
နောက်သို့ တစ်လှမ်းချင်း ပြန်ဆုတ်နေရင်းက ကြေကွဲစွာ ပြုံးဖြစ်သည်။ လူမိုက်ဆန်စွာ တိုးဝင်ပစ်ရဲသော်လည်း လူသားဆန်စွာပင် သူခြေကုပ်မမြဲတော့။ အလဲလဲ အပြိုပြို ဆံပင်တွေကို သပ်တင်လိုက်၏။ သူ့သက်ပြင်း က မီးတောက်လက်တံကို ပို၍ လင်းသွားစေသည်။
ထို့ကြောင့် …
သူနောက်သို့ တစ်လှမ်းချင်း ဆုတ်နေဆဲ၊ အိပ်မက်၊ မျှော်လင့်ချက်၊ ရွှေရောင် အနာဂတ်လမ်းကလေး အားလုံးကို သူစတေးခဲ့ရသည်။
“………………”
ထိုသို့ဖြင့် လာရာလမ်းကိုပဲ သူ လှည့်ပြန်ခဲ့သည်။
(၂)
ငယ်ငယ်ကလိုပင် လမ်းပေါ်မှ ကျောက်ဆောင် ကျောက်ခဲများကို မိုးကောင်းကင်ဆီ တုပနိုင်သည့် မြေပြင်၏ မာကျောသော တိမ်ပွင့်တိမ်စများဟု သူထင်မြင်မိနေဆဲပဲဖြစ်၏။ အိမ်အပြန်လမ်းကို ခေါင်းငုံ့၍ လျှောက်လှမ်းလာခိုက် လမ်းဘေးတစ်နေရာမှာ “ညီညီ့” ကို ဆုံတွေ့လိုက်ရခြင်းဖြစ်လေသည်။
ညီညီက အသက်နှစ်ဆယ် ရှိနေပြီ။ ကြမ်းလွှသော အညိုရောင် ဝတ်စုံကို ဝတ်ဆင်လျှက် လက်ထဲမှာ စာအုပ်တစ်အုပ် ကိုင်ထားရင်း သူ့ကို ပြုံးရယ်ပြလေသည်။
“ကျွန်တော် စာဖတ်နေတာ…”
“ဒီစာအုပ်ကိုဖတ်ဖူးလား”
ညီညီထောင်ပြသော စာအုပ်ကို တစ်ချက်လှမ်းကြည့်ရင်း၊ သူခေါင်းညိမ့်ပြလိုက်သည်။“မာတင်ဘုရှ်” တည်းဖြတ်သော မြောက်အမေရိကန် ကဗျာစာအုပ် တစ်အုပ်ဖြစ်၏။ သူခေါင်းညိတ်ပြသည်ကို မြင်သောအခါ ညီညီက ပို၍ လင်းမြပြုံးရယ်လာပြီး …
“အဲဒါဆို … ကျွန်တော် ဆွေးနွေးချင်တာလေး နည်းနည်း ရှိတယ်ဗျာ…”
“ဘာလဲ …”
“ဒီစာအုပ်ထဲမှာ နိမိတ်ပုံနဲ့ သင်္ကေတကို ခွဲပြထားတယ် …”
“အင်း…”
“ဥပမာ… ယေရှုခရစ်ကို နိမိတ်ပုံနဲ့ ရေးပြရင် ဂျုံခင်းတွေကိုယူလာတဲ့ ဝတ်ရုံဖြူနဲ့ လူလို့ ရေးပြတာမျိုး”
“အင်း…”
“ဒါပေမဲ့ ယေရှုခရစ်ကိုပဲ သင်္ကေတ နဲ့ပြတော့ လက်ဝါးကပ်တိုင် ပြလိုက်တယ်…”
“အင်း… အဲဒါဘာဖြစ်လို့လဲ…”
ညီညီ့ မျက်လုံးများက စိတ်ဝင်စားမှု တို့ဖြင့်အရောင် လက်ဖြာနေသည်။
“အဲဒီမှာ ကျွန်တော်တွေးမိတာ လေး တစ်ချက်ရှိလာတယ်… ဒီလိုလေ…”
သို့သော်
ညီညီ့စကားကို ဆုံးအောင် သူနားမထောင်လိုက်ရပါ။ လေကြမ်းတို့ လွင်ဖြူးတိုးဝှေ့လာ၏။ အစိမ်းရွက်တွေ ဖျတ်ဖျတ် လူးခါနေသော ပိတောက်ပင်ကြီးတစ်ပင်ကို မြင်ယောင်လွမ်းဆွတ်လိုက်မိ၏။ တိုးသဲ့သော်လည်း တုံခါကျစ်လျစ်နေသည့် ရထားဥသြဆွဲသံကို ကြားလိုက်ပြန်သည်။
ညီညီ့ကို ထားခဲ့ကာ သူဆက်လက်ထွက်ခွာ လာခဲ့၏။
(၃)
လေထဲမှာ တစုံတရာက တိုးဆွတ်ပါဝင်နေသည်လား။ သူ့မှာ အသက်ရှုရတာပင် မူးမိုက်လာသည်။တစ်ကိုယ်လုံးကို ဖြည်းဖြည်းချင်း လျှော့ချလိုက်၏။
အမြင်ကို ကြည်လင်အောင် ကြည့်သည်။ ထိုမှာပင် လှေခါးထစ် တစ်ခုပေါ်မှာ ထိုင်နေသော ညီညီ့ကို သူတွေ့လိုက်ရသည်။
ညီညီက အသက်ဆယ့်သုံးနှစ် ရှိနေပါပြီ။ အပြာရောင်အဝတ်အစားတို့ကို မသေမသပ် ဝတ်ဆင်ထားပြီး အဝေးသို့ ငေးကြည့်နေသည်။
သူက ရှေ့မှာ သွားရပ်လိုက်တော့မှ ညီညီမြင်သည်။ သူ့ကို ပြုံးလွင်စွာ စကားဆိုရန် ညီညီ့နှုတ်ခမ်းတို့ အဟမှာပဲ သူကဦးအောင်ပြောလိုက်၏။
“ဘာတွေစဉ်းစားနေတာလဲ”
ညီညီက ချက်ချင်းပြန်မဖြေသေးပဲ ဖုန်အလူလူးပေကျံနေသော သူ့ကို ခြေဆုံးခေါင်းဆုံးကြည့်၏။ ထို့နောက်မှ
“မနေ့က ကျွန်တော်ကြားလိုက်ရတဲ့ စကားပုံတစ်ခုရှိပါတယ်။ အတွေ့အကြုံဟာ သိပ်ကောင်းတဲ့ ကျောင်းတော် ပဲတဲ့.. အဲဒါ ဟုတ်လားဟင်”
သူ … ပြန်မဖြေဖြစ်သေး ညီညီက သူ့မျက်နှာကို နွေးနွေးထွေးထွေး ငေးကြည့်နေ၏။ သူက သက်ပြင်း တစ်ချက်ကို ငုံ့ဝှက်ကာချလိုက်ရင်း … ။
“ဟုတ်တယ်”
ညီညီသဘောကျသွားပုံရသည်။ သူကတစ်ဆက်တည်းထပ်ပြောလိုက်၏။
“ဒါပေမယ့် စကားပုံမဟုတ်ဘူး၊ လူတစ်ယောက်ပြောသွားတဲ့ စကားပဲ၊ စကားက ဒီလာက်နဲ့လည်း မပြည့်စုံသေးဘူး နောက်မှာကျန်သေးတယ်”
“ဟင်… ဘာကျန်သေးတာလဲ…”
သူက အဓိပ္ပာယ် ခန့်မှန်းရခက်သည့် အပြုံးတစ်ချက်ကို ပြုံးလိုက်မိရင်း …
“အတွေ့အကြုံဟာ သိပ်ကောင်းတဲ့ ကျောင်းတော်ပဲ။ ဒါပေမဲ့ သင်တန်းကြေး ကြီးလွန်းတယ်တဲ့”
‘ညီညီ’ က ဘာမှ ပြန်မပြောတော့ပဲ တွေငိုင်သွားသည်။ ထိုအချိန်မှာပင် လေစီထဲမှာ လွင့်မျောပါလာ သည့်ပိတောက်ရနံ့ သန့်ခနဲ သူရှူရှိက်လိုက်ရသည်။ လူများ၊ ခွေးလေခွေလွင့်များ၊ လမ်းလျှောက်နေသော ခြေထောက်များ၊ မော်တော်ကားများ၊ ရပ်ကျန်ခဲ့သော စည်းရိုးမှတ်တိုင်များ၊ ဆူညံသော အသံဗလံများနှင့်အတူ သူနှင့် ညီညီ လူချင်းကွဲသွားလေသည်။
(၄)
သစ်ကိုင်း၊သစ်ရိုင်းကလေးများ ယိုင်ကျဲပေါက်ရောက်နေရာ လမ်းကလေးထဲသို့ သူလျှောက်သွားသော အခါ ပုစဉ်းရင်ကွဲ တစ်ကောင်က အချိန်အခါမဟုတ် စူးစူးဝါးဝါး ထအော်၏။
လမ်းကလေးသည် တိတ်ဆိတ်၏ ။ ပိတောက်ရွက်ကြွေတို့က လမ်းနံဘေးတစ်လျှောက်မှာ ပါးပါးလျလျ ဝပ်စင်းနေကြ၏။ လမ်းကလေးအဆုံး၌ အဖြူရောင် ရှပ်အင်္ကျီကလေးနှင့် ရှင်းသန့်စင်ကျယ်နေသော ညီညီ့ကို တစ်ကိုယ်တည်း ဆော့ကစားလျက် တွေ့ရ၏။
ညီညီက မြေပေါ်မှာစက်ဝိုင်းလေးတစ်ခုကို တုတ်နှင့်ရေးဆွဲနေရမှ သူ့ကို မော့ကြည့်၏ ။ သူကပြုံးရယ်ပြ ရင်း… ငုံ့ကိုင်းနှုတ်ဆက်လိုက်၏ ။
“ညီညီ ကစားနေတာလား…”
ညီညီက ခြောက်နှစ်သားရှိပြီ ဖြစ်၏။ ကျောင်းမှာ စာသင်ခါစ အရွယ်ပင် ရှိဦးမည်။ သူ့ကို မျက်တောင်များ တဖျတ်ဖျတ် ပုတ်ခတ်ကာ မော့ကြည့်ရင်း …
“စာဖတ်တတ်ထားဟင်…”
သူက ခေါင်းမညိတ်၊ ခေါင်းမခါ။
“ဘယ်နှတန်းရောက်ပြီလဲ …”
သူရယ်မောမိလိုက်၏။ သူ့ရယ်သံက အတန်ငယ်ရှည်လျားသွားသဖြင့် ညီညီက ဆုံးအောင်မစောင့်နိုင်ဘဲ ထပ်မေးသည်။
“ဘယ်နှတန်းရောက်ပြီလဲ ဟင်…ဟိုး ဆယ့်လေးငါးတန်း အထိလား…”
“အင်း … ဟုတ်တယ်…”
ညီညီက လက်ညိုးလေးထောင်ပြီး ဆက်မေးသည်။
“ဘွဲ့ကြီးရလား…”
“ဘွဲ့တော့မရလိုက်ပါဘူးကွာ… ဘာဖြစ်လို့လဲ ညီညီဘာပြောချင်လို့လဲ…”
သူက ထိုသို့စကား ထောက်လိုက်မှ ညီညီက သူ့မူလကိစ္စကို ပြန်သတိရသွားသလို …
“ဒီမှာကြည့်…”
လက်ထဲမှာ ကိုင်ထားသော တုတ်နှင့် မြေပြင်ပေါ်မှာသူရေးဆွဲထားသော စက်ဝိုင်းကို ညွှန်ပြကာ
“ဝ…လုံး…”
“သြော်…ဒါ ဝလုံးဆွဲတာလား…”
“ဟုတ်တယ်…ဝလုံး…”
“ညီညီ့ ဝလုံက ဝိုင်းသားပဲ အကြီးကြီး…”
“အဲဒါမေးမလို့”
ညီညီ့စကားကြောင့် နှာခေါင်းကို လင်နှင့် ပွတ်သပ်က ပြုံးယောင်ယောင်ဖြစ်မိရင်း…
“ဘာမေးမှာလဲ ညီညီရဲ့ …”
“ဝလုံးကို ဘယ်က စဖတ်ရလဲ”
“ဟင်…”
“ဝလုံးကို ဘယ်ကစဖတ်ရလဲလို့”
ဝလုံးကို ဘယ်က စဖတ်ရမလဲ..သူကြောင်အ နေစဉ် လေတစ်ချက် တဝှေ့ဝှ့ သက်၏။ ပိတောက်ရွက် ကြွေများ မြေပေါ်မှာ ဖွာဆန်ကြဲသွားသည်။
“ဟင် … မသိဘူးလားလို့…”
သူဘာမှ ပြန်မဖြေဖြစ်။ ညီညီက အလို မကျသလို ခြေဆောင့်ကာ-
“ဒါလေးတောင်မသိဘူးတဲ့ ကျောင်းကြီးလည်း တက်လာသေးတယ်။ အမေ့ကိုပဲ မေးတော့မယ်”
ထို့နောက် ညီညီက နောက်ဘက်ခြံဝင်းလေးထဲ သို့ မျက်နှာမူလိုက်၏ ။
“အမေ…”
“……….”
“အမေကြီးရေ”
“……….”
“မေ… မေမေ…”
(၅)
အိမ်ကလေး၏ တံခါးဝဆီမှ အသံထွက်လာ၏။
“သားငယ်လား ..”
ထို့နောက် အပြင်သို့ တစ်ဦးထွက်လာကာ
“ဟဲ့ … သားငယ်”
ကပျာကယာ သူ့အနီးသို့ ချဉ်းကပ်ရောက်လာပြီး သူ့လက်တစ်ဖက်ကို ဆုပ်ကိုင်လိုက်၏။ ကြည်နူးဝမ်းသာသော အသံဖြင့် …
“သားသား ညီညီ တစ်ယောက်ထဲလား … ဘယ်သူမှ မပါဘူးလား … ရထားတောင်ဆိုက်သွားပြီကိုး၊ သားက ကြိုအကြောင်းမကြားဘူးကွယ်။ အမေတောင် ညက သားကို သတိရနေတာ။
ထို့နောက် အိမ်ရှေ့လမ်းပေါ်မှာ ရထားလက်မှတ်ကလေးကိုင်ပြီး ရပ်နေဆဲဖြစ်သည့်သူ့ကို ခြံထဲဆွဲခေါ်၏။
“လာ … လာ … အထဲဝင်လေ… ဈေးထဲကလူတွေကတောင် မနေ့ကပဲ ညီညီ့ကို သတိရလိုက်တာလို့ ပြောနေကြသေး တယ်၊ သားရဲ့။
သူ လိုက်ဝင်၏ ။ အမေ့အိမ်သည် ငြိမ်းအေးတည်ကြည်လျက်ပင် ၇ှိသည်။ အမေ သူ့ခရီးဆောင်အိတ်ကို တနေရာ သို့ယူသွား၏။ သူ့ရင်ခွင်သည် ကြည်လင်လန်းဆန်းလာ၏။
“အမေ …”
“ဟေ … ဟား”
အမေ့အသံက နောက်ခန်းထဲမှ ထွက်လာခြင်းဖြစ်၏။ သူ့ကြောင့် အမေ အလုပ်ရှုပ်သွားပြီး ပျော်လည်း ပျော်နေသည်။
“သားငယ် … ဘာတုန်း …”
“သားတို့ ပိတောက်ပင်ကြီး ပွင့်ပြီလား”
“ဟဲ့ ဘယ်ပွင့်ဦးမလဲ သားရဲ့ ဒါပေမဲ့ အဖူးတွေကတော့ ဝေလို့ပဲသားရေ .. ပွင့်တာကတော့ ပွင့်တော့မယ်။နှစ်လည်း မကူးသေးဘူး။ သား သင်္ကြန်အမီ ပြန်ရောက်လာတာ အတော်ပဲ၊ နှစ်သစ်ကျရင် အမေနဲ့ သားနဲ့ ……………………………………………………………………… ”
အမေဆက်ပြောနေသည်များကို သူ မကြားတော့ပေ။ အိမ်ရှေ့ ကွပ်ပစ်မှာ လှဲလျောင်းရင်း မျက်လုံးအစုံကို မှိတ်လိုက်၏။ ကြေကွဲခဲ့ရသည်တို့ ကိုလည်း ပျယ်လွင့်မှုန်ဝါး၊ နာကျင်ခဲ့ရသည်များကို မေ့လျော့သွားသည်။
ထို့နောက် … ငြိမ်းချမ်းနှစ်ခြိုက်စွာ သူအိပ်ပျော်သွား၏။ သူ့အိပ်မက်ထဲမှာ ပိတောက်တွေ တစ်ပင်လုံး ဝေနေအောင် ပွင့်နေလေသည်။
(တာရာမင်းဝေ)
သေလူ Saturday, December 26, 2009 10:30 AM ငါဟာ မြားတစ်လက်ဖြစ်ခဲ့ဖူးတယ် ဒါ ပေ မယ့် . . . ဘယ်ဝါးကျည်ထောက်ကိုမှ
ဒူးမထောက်ခဲ့ဖူးဘူး။
ငါဟာ ဓားတစ်လက်ဖြစ်ခဲ့ဖူးတယ်
ဒါ ပေ မယ့် . . . ဘယ်ဓားအိမ်ထဲမှာမှ အိပ်မက်မက်
မနေခဲ့ဖူးဘူး။
နောက်တော့
… ငါဟာ အက္ခရာတစ်လုံးဖြစ်သွားတယ်
ငါ့ကိုယ်ငါ ပြန်ဖတ်လို့ မရတော့ဘူး။
အဲဒီလိုနဲ့
ငါဟာ အရက်တစ်ပုလင်း ဖြစ်သွားတယ်
ငါ့ကို ဘယ်သူက ဝင်ပလုပ်ကျင်းမလဲဆိုတာကို
… စောင့်နေတယ်… ။ ။
(တာရာမင်းဝေ)
ငါ့ရင်ခွင်ကြားက နှင်းဆီဓားသွားတစ်လက်
Monday, August 10, 2009 Labels: ကဗျာ
(၁)
စမ်းရေပေါ်မှာတင်ပြီး စက္ကူလှေတို့ကို
နေ့စဉ်ရက်ဆက် ကျွန်တော်မျှောခဲ့ပါသည်။
ကျွန်တော့်အမည်နှင့် ကျွန်တော်ကျေးရွာကိုလည်း
စက္ကူလှေပေါ်မှာ စာလုံးနက်နက်ဖြင့် ရေးခဲ့သည်။
တစ်ကျွန်းသား၊ တစ်ပြည်သားတို့သည်
ထိုသို့ဖြင့်
ကျွန်တော့်ကို သိလာကြလိမ့်မည်ဟု မျှော်လင့်၏။
ခြံမှာပွင့်သည် ဆိတ်ဖလူးပန်းတို့ကိုလည်း
လှေငယ်ပေါ်မှာဆင့်တင် မျှောလွှတ်ခဲ့၏။
အရုဏ်ဦးမှာပွင့်သော ထိုပန်းတို့သည်
ညဥ့်အချိန်မှာတော့ ကမ်းကို ဆိုက်ရောက်လိမ့်မည်ဟု
ကျွန်တော်ထင်သည်။
ကောင်းကင်သို့ ဦးမော့ကြည့်သောအခါ
ဖြူဆွတ် ရွေ့မျောနေသော တိမ်ရွက်များကို
ကျွန်တော်မြင်၏။
ကျွန်တော်နှင့်ပြိုင်ရန် ကျွန်တော့် စက္ကူလှေများနှင့်ပြိုင်ရန်
ကစားဖော်တစ်ဦးဦးက
သူတို့ကို လွှတ်တင်လိုက်ခြင်းဖြစ်မည်။
မည်သူမှန်းတော့ ကျွန်တော်မသိချေ။
သန်းခေါင်ယံ၏ ကြယ်ရောင်ပျပျအောက်မှာ
ကျွန်တော့်လှေတို့သည် လွင့်မျှောလှပနေလိမ့်မည်။
ထိုသို့ပင် အတွေးနှင့် အိပ်ယာဝင်ဖြစ်သည်။
အိပ်မွေ့ချတတ်သော နတ်သမီးကလည်း
အိပ်မက်ခြင်းတောင်းကြီးများကို ပိုးကာ
ကျွန်တော့်လှေများနှင့်အတူ
ရွက်လွှင့်နေဦးမည်ဖြစ်သည်။
(၂)
ကျွန်တော်နှင့် တရွေ့ရွေ့နီးကပ်ရာသို့
မည်သည့်အချိန်မှ စတင်ပြီး သူ လာခဲ့ပါသနည်း။
ကျွန်တော် မသိခဲ့ချေ။
နေ၀န်းနှင့် ကြယ်ရှုးကြယ်ပျောက်များကလည်း
သူ့ကို ကျွန်တော်မမြင်အောင် သိုဝှက်နိုင်ခြင်းမရှိခဲ့။
နံနက်ဦးပေါင်းများစွာ၊ ညနေရီပေါင်းများစွာ
သူ့ခြေသံကို ကျွန်တော်ကြားနေရသည်။
ကျွန်တော့် နှလုံးအိမ်ထဲသို့
သူ့စေတမန် ၀င်ရောက်လာ၏။
ထို့နောက် ကျွန်တော့်ကို
တိတ်တိတ်ကလေး ခေါ်လေသည်။
ထိုသောနေ့မှာမှ အဘယ့်ကြောင့်
ကျွန်တော့်ဘ၀သည်
လှုပ်လှုပ်ယိမ်းယိမ်း ဖြစ်ရပါသနည်း။
ပျော်ပျော်လွင့်လွင့် တုန်ရီခံစားမှုတို့ကလည်း
အဘယ့်ကြောင့် ကျွန်တော့်နှလုံးအိမ်ကို
ဖြတ်ဖောက် စီးဆင်းသွားပါသနည်း။
ကျွန်တော်မသိချေ။
အိမ်ပြန်ရမည့် အချိန်မှာပင်လျှင်
လေမှာစီးပျံ့သော ချစ်သူရနံ့ကို သန့်သန့်ကလေး
ရနေလေတော့၏။
(၃)
သူ့အမွှေးရနံ့နှင့်သူ ရူးသွပ်ပြီး
တောကြီးမျက်မည်းမှာ ပြေးလွှားနေရသည့်
ကတိုးကောင်လို
ကျွန်တော်လည်း ပြေးလွှားနေမိ၏။
ထိုညသည် မေလ ညတစ်ညဖြစ်၏။
ပြေညင်းသော လေကလည်း
တောင်အရပ်မှ စီးဝင်တိုက်ခတ်လာ၏။
ဝေ့လည်ဝဲချာပြီး
ကျွန်တော် လမ်းပျောက်သွားတော့သည်။
ကျွန်တော်သည်
မရနိုင်တာကို ရှာဖွေပြီးသည်နောက်
မရှာဖွေတာကို ရရှိခဲ့သည်။
ကျွန်တော် တစ်ကိုယ်ရေ နှလုံးသားနိမိတ်ပုံများသည်
မြူးတူးခုန်ပါက်နေကြ၏
စူးလက်ပြိုးဝင်းနေခဲ့၏။
ဖမ်းဆုပ်ကိုင်တွယ်ဖို့ ကျွန်တော် ကြိုးစားသော်လည်း
လွတ်ချော် ထွက်မြောက်သွားခဲ့၏။
မှားသောလမ်းသို့ ခေါ်ပို့သည်။
ကျွန်တော်သည် မရနိုင်တာကို ရှာဖွေပြီးသည့်နောက်
မရှာဖွေတာကို ရရှိခဲ့သည်။
(၄)
ချစ်သူကသာ ခွင့်ပြုမည်ဆိုလျှင်
ကျွန်တော်တေးသွားကို
ရပ်ထားလိုက်ပါမည်။
ချစ်သူ နှလုံးအိမ်ကို ရုန်းကစေမည်ဆိုလျှင်
ကျွန်တော့်မျက်လုံးများကို
သူ့မျက်နှာမှ အဝေးသို့ ဖယ်ခွာပေးပါမည်။
ကျွန်တော်ရှိနေသည့် အတွက်ကြောင့်
ချစ်သူသည် သွားလမ်းမှာ ပင်ပမ်းရသည်ဆိုလျှင်
ဘေးဘီကို ရောက်သည်အထိ
အခြားလမ်းမှ ကျွန်တော် လျှောက်ပါမည်။
ချစ်သူ ပန်းကုံးသီရန်
အနှောင့်အယှက် ဖြစ်ရသည်ဆိုလျှင်
သူ ပန်းတောမှ ဝေးရာသို့
ကျွန်တော် ယို့ယိမ်းထွက်ခွာပေးပါမည်။
ချစ်သူ ရေပြင်အလျင်ကို
လှိုင်းတို့ဖြင့် တိမ်းမှောက် ပျို့အန်စေသည်ဆိုလျင်
သူ ကမ်းခြေမှ
ကျွန်တော့် လှော်တက်ကို လွှတ်ချလိုက်ပါမည်။
(၅)
မီးအိမ်ကားငြိမ်းခဲ့ပြီ။
အဘယ်ကြောင့်ပါနည်း။
ပြင်းရှစွာတိုက်ခတ်နေသောလေမှ
လူးလွန့်လွတ်မြောက်နိုင်ရန်အတွက် ၀တ်ရုံကိုဖြန့်ပြီး
သူ့အတွက်
ကျွန်တော် ကွယ်ကာ ပေးခဲ့သည်။
ထို့ကြောင့်ပင်လျင်
မီးအိမ်ကားငြိမ်းခဲ့ရ၏။
မုံပန်းကား နွမ်းခဲ့ပြီ။
အဘယ်ကြောင့်ပါနည်း။
ကျွန်တော် နှလုံးအိမ်အတွင်းမှာ
ချစ်မြတ်စွာ သူ့ကို
ဖိကပ် သိမ်းဆည်းထားခဲ့၏။
ထို့ကြောင့်ပင်လျင်
မုံပန်းကား နွမ်းခဲ့သည်။
စမ်းရေကား ခမ်းခဲ့ပြီ။
အဘယ်ကြောင့်ပါနည်း။
သူ့ရေစီးကြောင်းကို ဖြတ်တောက်ကာ
ကျွန်တော့်အတွက် ရေကာတာ တစ်ခုတည်ဆောက်ခဲ့၏။
ထို့ကြောင့်ပင်လျင်
စမ်းရေကား ခမ်းခဲ့သည်။
စောင်းကြိုးကား ပြတ်ခဲ့ပြီ။
အဘယ်ကြောင့်ပါနည်း။
ဤစောင်းကား မတတ်မြောက်သော ဂီတကို
ကျွန်တော့်အတွက် ဆွတ်ယူခြွေချခဲ့ပါ၏။
ထို့ကြောင့်ပင်လျင်
စောင်းကြိုးကား ပြတ်ခဲ့သည်။
(၆)
ကျွန်တော် ရွက်လွှင့်ထွက်ခွာရတော့မည်။
ကြေကွဲ လှိုက်မောဘွယ်ရာ ကာလများသည်
ကုန်းမြေပေါ်မှာ ပဲ့ကြွေကျန်ရစ်ခဲ့ပြီ။
နွေဦးရာသီသည် ပန်းတို့ကိုပွင့်အောင်
ဖွင့်ပေးခဲ့သည်။
ယခုကား အနားယူလေပြီ။
ကျွန်တော့်မှာသာ ရင့်ရော်သော ပန်းတစ်ဆုပ်နှင့်
အိမ်မပြန်နိုင် ဖြစ်ရသည်။
လှိုင်းတွေက ညိုးညံရိုက်ဟီးလေပြီ။
ကမ်းပါးကို သွယ်ပတ်ထားသည့်
သစ်ရိပ်ဝေေ၀ လမ်းကလေးတွင်လည်း
ရော်ရွက်တို့ ပြုတ်ကျလာပြီ။
မိတ်ဆွေဘာကြောင့် ငေးငိုင်နေပါသနည်း။
သင့်အကြည့်တို့က ဘယ်ဆီမှာ စိုက်ဝင်နေသနည်း။
ကမ်းတစ်ဖက်ဆီမှမျောလာသောအဝေးတေးသံနှင့်
လေထုမှာ စိုးဆွတ်ပါဝင်လာသည့်ရင်ခုန်သံကို
သင်...
မခံစားရလေသလော...
(၇)
နေ၀င်တော့မည်။
အရိပ်တို့လည်း မြေဆီမှာ ညွတ်တွားကြပြီ။
ချောင်းသို့သွား၍ ခရားတွင် ရေဖြည့်ရန်
ကျွန်တော့်အတွက်တော့ အချိန်တန်ပြီ။
ညနေခင်းလေသည်
ချောင်းရေ ဂီတမှုန်ရီကို ခုံမင်နေ၏။
ကျွန်တော့်ကို
နေ ရွှေခြည်မျှင်ထဲသို့ တိုးဝင်ရန် ခေါ်နေ၏။
တိတ်ဆိတ်သောလမ်းမှာ
လာသူ သွားသူတို့ မရှိကြချေ။
လေထန်၏။
မြစ်ထဲမှာ လှိုင်းတွေ ဝေ့လိပ်ချီကြွနေ၏။
အိမ်သို့ ပြန်နိုင်ပါမည်လော။
မည်သူနှင့် ဆုံတွေ့ခွင့် ရနိုင်မည်ကိုလည်း
ကျွန်တော်မသိ။
ရေတိမ်ဆိပ်မှ လှေငယ်တစ်စင်းပေါ်မှာ
အမည်မသိသူ တစ်ယောက်က
ပုလွေသံကို ပေးနေလေသည်။
(၈)
ဦးညွှတ်ကာ
အားလုံးကို ကျွန်တော်နှုတ်ဆက်ခဲ့ပါသည်။
ညီအစ်ကိုတို့
ကျွန်တော့်အားလည်း မေတ္တာပို့ကြပါလေ။
ဟောဒီမှာ
ကျွန်တော့်ရဲ့ အိမ်သော့ကို ပြန်ပေးခဲ့ပါပြီ။
ပိုင်ဆိုင်ရာအားလုံးကိုလည်း စွန့်ခဲ့ပါပြီ။
ကြင်နာခြင်းနှင့် ပြန်လည်နှုတ်ဆက်ခြင်းကိုသာ
သင်တို့ထံမှ တောင်းဆိုလိုပါသည်။
ကျွန်တော်တို့သည် အိမ်နီးချင်းများအဖြစ်
နှစ်ပေါင်းကြာခဲ့၏။
ကျွန်တော်ကားအပေးထက်၊ အယူများခဲ့သည်။
နံနက်ခင်း အလင်းသည်
ကျွန်တော်ထွန်းသော အမှောင်ထောင့်ချိုးမှ
မီးအိမ်ကို ငြိမ်းစေ၏။
ခေါ်သံကို ကြားရလေပြီ။
ကျွန်တော်သည်လည်း
သွားရန် အသင့်ဖြစ်ချေပြီ။
(၉)
အိုဘုရားသခင်
စိတ်အာရုံအစဉ်တို့၌ စီးဝင်ကာ
လောကကို သင့် ခြေတော်ရင်းမှာ
ထိတွေ့ရပါလို၏။
ကျွန်တော် ဦးနှိမ်ချပါ၏။
အိုဘုရားသခင်
စီးသွယ်ခြင်းမရှိသော မိုးရိပ်များဖြင့်
နိမ့်ဝပ်တွဲခိုသော ဂျူလိုင်တိမ်တစ်ဆုပ်လို
ကျွန်တော့်စိတ်နှလုံးသည် သင့်တံခါးဝတွင်
တွဲခို ရပါလို၏
ကျွန်တော်ဦးနှိမ်ချပါ၏။
အိုဘုရားသခင်
ကျွန်တော်
ဂီတရစ်သမ်အထပ်ထပ်ကို
တစ်ခုတည်းအဖြစ်
ရုန်းစုသွယ်ဆက်ကာ တိတ်ဆိတ်သောပင်လယ်မှာ
စီးပျော် ၀င်ရောက်ရပါလို၏။
ကျွန်တော်ဦးနှိမ်ချပါ၏။
အိုဘုရားသခင်
တောင်ပေါ်မှာ
မိမိ အသိုက်ရှိရာသို့
နေ့ရော ညပါ
ပျံသန်းလိုက်ပါလာသည့် ကြိုးကြာအုပ်နှယ်
ကျွန်တော့်ဘ၀သည်လည်း
နားခိုရာဆီ ခရီးဆက်နိုင်ရပါလို၏
ကျွန်တော် ဦးနှိမ်ချပါ၏။
ကျွန်တော် ... ဦးနှိမ်ချပါ၏။
(ဆရာတာရာမင်းဝေ ရေးတဲ့ “ငါ့ရင်ခွင်ကြားက နှင်းဆီဓားသွားတစ်လက်” ဆိုတဲ့စာအုပ်လေးထဲက ကဗျာလေးတစ်ပုဒ်ပါ။
မီးတောက်ရစ်သမ်
Sunday, August 5, 2007 Labels: ကဗျာ
(၁)
အခုလို …
လှပအေးစက်နေတဲ့ညမှာပဲ
ငါ … ပျိုးထားတဲ့ မြနှင်းဆီဟာ …
ကြယ်တစ်ရာ ခြံရံပြီး ကြွေကျသွားခဲ့တယ်။
တိမ်လွှာမျဉ်းကောက်တွေကလည်း
ချစ်သူတစ်ယောက်ရဲ့ မီးအိပ်မက်မှာ
ရွှေမျက်ရည်တွေ စိုလက်လာပြီလို့
မှိုင်းညို့နေတဲ့ ကောင်းကင်ကြီးကို
တီးတိုးပြောကြားလိုက်တယ်။
“ချစ်ခြင်းမေတ္တာဟာ”… ဟာ
မှော်ဆရာတစ်ယောက်ရဲ့နိဂုံးလို
နောက်ဆုံးမှာ …
မီးခိုးလုံးများ ဖြစ်သွားရော့မလား…လို့
နှုတ်ခမ်းကိုက်ပြီး…ငါစဉ်းစားဖူးတယ်။
လူငယ်တစ်ယောက်ကို ပြုစားဖို့
ဘယ်နတ်ဘုရားထံမှာ
နင့်လက်တွေ ဖြန့်ကား တောင်းခံခဲ့သလဲ …
ငါ့ရာဇ၀င် ခပ်ကျဲကျဲကို
ငရဲမီးထဲ တွန်းချလိုက်ချင်တယ်။
သံယောဇဉ်…ဆိုတာ
အရောဝင်လို့မကောင်းတဲ့ ခွေးကလေးပါပဲ …။
လောကဓံဦးတုန်းက …
အလွန်းအကြူး သောက်ခဲ့တဲ့ အရက်တစ်ခွက်
ခုမှ…စံပယ်ရွက်ပေါ်မူးလဲ…
အသည်းကွဲတယ်…ဆိုတာ
သီချင်းလေးတွေ တိုးတိုးညည်းရင်းက …
ထိရှခဲ့တဲ့…သွေးမဲ့ဒဏ်ရာ တစ်ချက်ပါ…
သိုးကျောင်းသားရဲ့ ခံနိုင်ရည်နဲ့
နတ်ဘီလူးတွေရဲ့ သတိရခြင်းမျိုးက
ငါ့ကို…ဆီးမိုးထားတယ်…။
စက်ရုပ်ကို ဒူးထောက်ကျစေတဲ့
နင့်ရဲ့…မျက်ဝန်းစိမ်းလဲ့မှာ…
ငါ…ဘယ်လိုမှ မေ့မရတဲ့
မဟာလကာင်္ တစ်ပိုင်းတစ်စ…ရှိနေလေရဲ့။
အဲဒီလိုနဲ့ပဲ
ငါ ပြန်လည် ချည်နှောင်ခဲ့ပါမယ်…
ချစ်သော..ဖဲကြိုးဝါကလေးရယ်…
(လက်နက်မပါဘဲ…
စစ်ဝင်္ကပါမှာ ငါ…မတိုက်ရဲဘူး…)
ညံ့တယ်လို့ပဲ…
လက်ညှိုးထိုးပြီး ပြောလိုက်ပါတော့…။
လျှပ်စစ်မျှင်တန်းလို…
ပူလင်းပြင်းထန်လွန်းတဲ့
သူရူးတစ်ယောက်ရဲ့ ပွေ့ဖက်မှုတွေထဲ…
ခု…ရထားတို့ ဥသြဆွဲလိုက်ကြပြီ…
“…ပြီးဆုံးသွားပါပြီ…
…အားလုံး ပြီးဆုံးသွားပါပြီ…”တဲ့။
(၂)
အရှေ့လေတွေတိုက်တုန်းက
ခါးကုန်းနေတဲ့ ငါတို့ရဲ့ မြရာပင်အိုကြီးဟာ
တုန်ယင်ချည့်နဲ့စွာ ယိမ်းထိုးနေတော့တယ် …။
ကျောင်းတော်ရဲ့ စည်းအပြင်
နှောင်းရိပ်တွေ တစ်လွင်လွင်နဲ့
ထင်ယောင်ထင်မှား
လမ်းပေါ်မှာ ငါစဉ်းစားတာ…
နင့်အကြောင်း ခေါင်းစဉ်များစွာပါပဲ။
ထိပ်ထားရယ်...
အီဂျစ် ပြက္ခဒိန်ထဲက
မိုးတိမ်တွေ ရွာမယ့်နေ့
နင်နဲ့ငါ ပြန်လည်ဆုံတွေ့ကြရင်
ဒီအကြောင်းတွေ ပြောပြချင်ပါသေးတယ်..။
ငါက ဆပ်ပြာပူဖောင်းကို ခိုစီးပြီး
မြင့်မိုရ်တောင်ကြီးနဲ့တိုက်မိမှာ
စိုးရိမ်ရှာသူ မဟုတ်ခဲ့…၊
ဒါပေမဲ့…
လေပွေလမ်းကြောင်းများမှ
တုန်ဝါးဖျော့အေး
“သစ္စာ”ကို ပဲ့တင်သံနဲ့ပဲ ပြန်ပေးနိုင်ခဲ့သူ…။
ငါ့ကိုသတ်…ငါ့ရင်ဘတ်ကို ထိုးခွဲဖောက်လှန်ကြည့်
ငါ့လက်သီးထဲမှာ ကျစ်ကျစ်ပါအောင် ဆုပ်ထားတဲ့
သုညတစ်လုံးပဲ ရှိလိမ့်မယ်…။
ဝိုင်ယာကြိုးတွေ
“ထောင်း”ခနဲ မီးပွင့်ပြတ်တောက်ပြီး
ရုတ်ချည်း မှောင်အတိကျသွားတဲ့
“အန္ဓ”တို့ရဲ့ အိမ်အိုမှာ…
တေလေပီသစွာ…ငါနေတယ်။
တိတ်ဆိတ်…ပြာလဲ့နေတဲ့ည…
ရေတွင်းထဲ ခေါင်းငုံပြီး…
“….”ကို ချစ်တယ်…လို့
ဘယ်ဆီဘယ်ဝယ်…ဟစ်အော် တမ်းတရတာ..
ဘာကြောင့်ပါလဲ…။
“အုံ့ပုံးချစ်” သီချင်းကို
မဆိုချင်ဘဲ ဆိုရတာ
ရွှေရည်စိမ်ထားတဲ့ လက်ပစ်ဗုံးကို
ကိုက်မျိုရသလိုပါပဲ…လို့
အက်ကွဲနေတဲ့ မယ်ဒလင်ကြီးက…
ငါ့ကိုပြောပြတယ်။
အဲဒီလိုနဲ့…
မိုးကို ဆန့်မြှောက်ထားတဲ့
မမီနိုင်သော ကမ်းလက်တွေဟာ
ဟိုး…တုန်းကလိုပဲ
ငါ့ဆီမှာ…မြေမှုန်တွေ စွန်းထင်လျှက်ပါပဲလေ…။
(၃)
“လူဆိုတာ…
လင်းဝေစိမ်းမြတဲ့ ပန်းညများစွာထက်
သရဲခြောက်ရာ ညတစ်ညကို..ပိုသတိရတတ်တယ်”
ငါသေသွားခဲ့လို့ရှိရင်
ငါ့ရဲ့သင်္ချိုင်းဂူမှာ…
ကြက်ခြေခတ်တစ်ခုကိုသာ
မှတ်တိုင်အဖြစ် စိုက်ပေးထားပါ။
တကယ်တော့…အဲဒါဟာ
ငါသိသမျှ လောကဓမ္မကို
အကြွင်းမဲ့ ဖော်ပြသွားခြင်းပဲ ဖြစ်လိမ့်မယ်။
ဟိုးငယ်ငယ်…ကျောင်းမပြေးတတ်ခင်တုန်းက
ခရေပွင့်ပြထားတဲ့ သင်္ချာတစ်ပုဒ်
ငါ့အပေါ် ခုန်အုပ်ပြီး
မင်နီတွေ ရဲခနဲ့ သုတ်သွားဖူးတယ်။
ငါ…သတ္တိကောင်းကင်မှာ..နီလွင်ထစ်ချုန်း
တစ်…နှစ်…သုံး
အနက်ရှိုင်းဆုံး ထိုးကျပစ်လိုက်တယ်။
ထူးလှတယ်တော့လည်း မဟုတ်ပါဘူးလေ…
ကြောက်မက်ဖွယ်ရာ လူတွေရဲ့
မဟာဘုတ် ဗေဒင်ထဲမှာမှ
ငါကလည်း “အဓိပတိဘွား” ဖြစ်ချင်ခဲ့တာကိုး။
အိမ်အပြန် ညများစွာမှာ…
ဘယ်သူမှ မပြောချင်တဲ့စကားတွေ ပွေ့ပိုက်
ကိုယ့်ကိုယ်ကိုယ် “လူမိုက်”လို့ပြန်ခေါ်ခဲ့ရတယ်။
၁၉၉၃…၁၉၉၄…
ငါ့ကဗျာလေးတွေ ဆွေးမြေ့ကြေကွဲ
လမ်းဘေးအုတ်ခုံပေါ် လဲကျနေတယ်…။
နှင်းမြားတစ်လက်ရဲ့ အဆိပ်နဲ့
နိမိတ်မကောင်းတဲ့ပုံပြင်
မမြင်ဘူးသော နေ့များ…ညများ
ပိတောက်ပိုင်းဖျားမှာ…၀ပ်တွားစုရုံး
ငါ့ကို…ချည်ထုံးခဲ့တာ…
(ခု…အချိန်တိုင်အောင်…)
အလင်းစိမ်းတန်းတွေ ရစ်ဖွာလို့ကွယ်။
(၄)
မြို့ပြင်လမ်းကွေ့က
တွေ့ခဲ့ဖူးတဲ့ ဂျစ်ပဆီတွေလို
ဖြစ်ခဲ့သမျှကို
ရယ်ကာမောကာ ပြန်ပြောနိုင်တဲ့ အကျင့်လေး
သွေးအေးအေးနဲ့ ကြိုးစားမွေးနိုင်ခဲ့ပြီ။
ဘာပဲဖြစ်ဖြစ်
ကျောက်ခေတ်၊ကြေးခေတ်
နျူကလီးယား ကင်ဆာ၊ အနာဂတ်ခေတ်
အားလုံးအတွက်
သေချာတဲ့ ငါ့…ကြေညာချက်ကတော့
နင့်ကို ထာဝရ ချစ်နေမယ်ဆိုတာပါပဲ…။
ထိပ်ထားရယ်…
ဖြစ်နိုင်မယ်ဆိုရင်…
ဂန္ထ၀င် ပန်းပုရပုဒ်မှာ…
နန်းသုံးအက္ခရာနဲ့ ခြယ်မှုန်း
နင့်နာမည်လေး စာသုံးလုံးကို
စီရီသီကုံးပေးချင်တယ်…။
နင့်အပေါ်ထားတဲ့ ငါ့ရဲ့ချစ်ခြင်းမေတ္တာဟာ
မိုးပေါ်ကိုဦးမော့ပြီး
ဝင်းပစွာ လင်းမြတုန်ခါနေတဲ့
ရွှေဝါရောင် မီးတောက်မီးလျှံလိုပါပဲ…။
ကျောင်းရှေ့က စံပယ်ရုံမှာ
ဗီးနပ်စ်ရဲ့ နက္ခတ်တို့ တလက်လက် ပြာဝေမှုန်သင်း
ကျောင်းခန်းတွင်းမှာ…
လမင်းကလေး သာခဲ့ဖူးတယ်… …။
ချစ်သော ကျောင်းသွားဖော်ရဲ့
ပန်းရုပ်လွှာကို မျှော်တွေးရင်း
ဆွေးလျညှိုးခွေ ဖြေမပြေသူလေး အတ္ထုပ္ပတ္တိ
မြရာပင်ကြီး သိပါတယ်။
ကမ္ဘာဦးလူတို့လည်း (ဂူနံရံမှာ)
ငယ်ကျွမ်းမျက်နှာေ၀၀ါး
ပညာရှင်ကြီးများရယ်…
ပါဠိစာလုံးတွေနဲ့
ငါ့အပေါ် မဆုံးဖြတ်ပါနဲ့ဦး…။
“ချစ်သူကိုတောင်
ချစ်တယ်လို့ မပြောရဲတဲ့ကောင်…
ရာစုတစ်ထောင်နေရစ်ခဲ့…
ထိုသို့ဖြင့် စကားမဲ့စေသတည်း”
မြရာပင်ကြီးရဲ့
ညည်းတွားသဲ့သဲ့ သန်းခေါင်ယံ
ငှက်ဆိုးအုပ်နဲ့အတူ
ရုတ်တရက်လန့်ပျံသွားတယ်…။
ချို့တဲ့သော ကျောင်းသားဘ၀
ဆန္ဒရဲ့ မပြေလည်မှု
အနီရောင်မှတ်တမ်းတစ်ခုနဲ့ ချစ်သူအတွက် ပန်သစ္စာ
သြော်…ငါ့ကိုလေ…
နားလည်ပါ…နားလည်ပါ…
နားလည်စမ်းပါ…။
(၅)
အဲ့ဒီနေ့ရက်တွေမှာ
မာရ်နတ်ရဲ့ ဘယ်ဘက်လက်က
အနက်ရောင် ကျမ်းချပ်တစ်ပိုဒ်ဟာ
ငါ့ကို စီးနင်းတိုက်ခိုက်ဖို့
မြင်းကကြိုးတို့ကို ပြင်လို့“သ”လို့နေခဲ့ပေါ့။
ဘာပဲပြောပြော
ရွှေနဲ့စက်ဝယ်လို့ မရတဲ့
နောက်ဆုံးကလူရဲ့ အတွေ့အကြုံမှာ…
သံမှုန်တွေ ကပ်ပါနေရဲ့
ငါ…ဘာကိုမှ မကြောက်ခဲ့ဘူး။
ဟောဒီလောက တောက်လျှောက်
“ကျောက်သင်ပုန်းပေါ်က သုညနဲ့စာရင်
ဗလာစာအုပ်ပေါ်က သုညကမြတ်တယ်”တဲ့
အဲဒီအော်သံကို ငါရယ်နေခဲ့တယ်။
“မင်းကကော…ဘာလဲ” လို့
အနန္တတွေက ၀ိုင်းမေးတော့
၁…၂…၃…၄…၅…
ငါ…အကုန်စဉ်းစားတယ်
၆…၇…၈…၉…၀…
တစ်ခုမှမဟုတ်ဘူး
ငါ့အတွက် ဂဏန်းမရှိဘူး …။
သွေးနဲ့ယက်တဲ့ ကတ္တီပါစလို
နီလွရှင်းတောက်
ကြောက်ခမန်းလိလိ လှပတဲ့
နှလုံးသားက ဂီတသံစဉ်
နှင်းဆ၀ိညာဉ်မှာ တင်တဲ့ကမ္ဗည်း
လကွယ်ညရောက်တိုင်း…ငါ
ဂစ်တာတီးနေမယ်…။
ကျဆုံးတော့မဲ့ စစ်သူရဲအိုက
ငယ်ဘ၀က ဓားနဲ့ချစ်သူကို
ပြင်းရှစွာ သတိရလိုက်သလိုမျိုး
နင့်ကို ငါသတိရနေတယ်။
ထိပ်ထားရေ…
ထိပ်ထားရေ…
ထိပ်ထားရေ…
သစ်ခုတ်သမားတွေ မရှိတဲ့တိုင်းပြည်မှာ
ငါ…လယ်သမား ဖြစ်ချင်တယ် …
နင်…ဘုရင်မ…လာမလုပ်ရဘူးနော်။
တော်တော်ကြာ…
တံစဉ်တစ်လက်ရဲ့ ကျင့်ဝတ်မှာ
သန်လျက်အတွက် ပန်းခူးပေးခွင့် မပါလို့…
ရွာဇနပုဒ်နဲ့ မိုးရေထဲ
ငါ…တစ်ယောက်တည်း
မျက်ရည်ဝဲနေရပါဦးမယ်…။
ငါကလည်း ခက်တယ်…
ကဗျာတစ်ပုဒ်နဲ့
နေမ၀င် အင်ပါယာ
ဘယ်ဟာယူမလဲလို့ မေးလာရင်
ဒုတိယအရာကို ငါ…ငြင်းတယ်…။
အဲဒီလိုနဲ့ပဲ
မှောက်ထားတဲ့
ငါ့ရဲ့ ကံကော်ရွက် ဖဲချပ်ကလေးတွေ
လောကကြီးကို အမျှဝေရင်း
ကာလများစွာ…ကြာပြီကောလေ…။
(၆)
တောင်ညိုမှာ ပျိုးတဲ့မိုးတွေ
နင့်မျက်နှာလုံးကို တိုးသက်တဲ့အခါ
တောင်ပင်လယ်က ဗေဒါတွေဟာ
ဆောက်တည်ရာမရ ဖြစ်ကုန်ကြတယ်။
ဟေး … ငါပြောမယ် …
… … အက်ဆစ်တိမ်ခိုး…တို့
မုတ်သုန်ကို နှိုးပါ
ဒီလူဆိုးအတွက်လည်း
မိုးကြမ်းတို့ တစ်စက်စက်ရွာပါ…။
“မထိုက်တန်သူဆိုတာ
လွင့်မျောရမှာပါပဲ…”
ခွဲခွာခြင်းဟာ …
ခရမ်းပြာကျည်ဖူးကို
အဆိပ်ချိုတွေ လိမ်းသုတ်
နှလုံးသား တည့်တည့်ဆီ
ချိန်ရွယ် မောင်းဖြုတ်လိုက်တယ် …။
သက်ပြင်းဝေေ၀
ခရေတို့ နှင်းစက်ဖားလျား
မျက်ရည်ကိုစားတဲ့
ချောက်ချားဖွယ် စကားမဲ့ည
ငါဟာ … ထက်ပိုင်းချိုးခံရတဲ့
တစ်ခြမ်းပဲ့ “လ”ပဲ ဖြစ်တယ်။
အိပ်မက်ထဲက ကမ္ဘာစစ်လို
အရိုးပြိုင်းပြိုင်းညနေအိုက…
မြေကိုရှိခိုး …
မြူခိုးတို့ ပျောင်းအိညွတ်တွဲ
လူငယ်ဘ၀ရဲ့
ညရိပ်တို့ မှုန်ေ၀၀မ်းနည်းခဲ့ရတယ်။
အခင်ဆုံး မဖြစ်ခဲ့ပေမဲ့
အခင်ဆုံးတွေအကြောင်း ပြောတိုင်း
သတိရမိနေကျ သူငယ်ချင်းတစ်ယောက်ဆီ
ငါ…မရောက်ရောက်အောင် သွားမယ်…။
ပြီးတော့…
ခရိုးခရိုင်…လက်ဖက်ရည်ဆိုင်လေးမှာ
ကဗျာအကြောင်း စာအကြောင်းတွေပြောရင်း
ကိုယ့်ကိုယ်ကိုယ် ပြန်လည်ဖန်ဆင်းပစ်မယ်..ကွယ်။
အရက်သမားက
သူတစ်ပါးကို လွမ်းဆွတ်တာ
ရယ်စရာ မဟုတ်ပါဘူး
တစ်ရံတစ်ခါရဲ့
ပြန်မလာတဲ့သူတို့
သိကြဖို့ကောင်းတယ်…။
လေညင်းကလေးရေ…
ငါ ချစ်မြတ်ရတဲ့ ကမ္ဘာရဲ့ထိပ်ထားကို
သူ့ဆံနွယ်ခက်လေးတွေ
ဖွားခနဲ လွင့်ဝဲသွားရုံ
တစ်ချက်လောက် အုံ့သည်း တိုက်ခတ်ပေးပါ…။
လေစီးထဲမှာ
ဖွာကြဲလှပနေရှာမဲ့
သူ့ရဲ့ကေသာဆံမြကို
အဝေးကနေ…ရှိုက်မွှေး လွမ်းဆွတ်ပါရစေဦး နော်…။
(၇)
အထီးကျန်တောင်ကို အုပ်စိုးဖို့
နတ်ပြည်က ရွာချတဲ့
ငါ့အတွက်…အညတရမိုး…ရေ
နေပါစေတော့ …။
အဲဒီညဟာ
တစ်ခြမ်းပဲ့ “လ”က
အသက်ပေးပြီး ကာကွယ်ခဲ့ရတဲ့
အလံမလံမီ “ည”…ဖြစ်တယ်။
မြက်ရိုင်းက…
မိုးကုပ်စက်ဝိုင်းကို နမ်းမရသလိုမျိုး
နေနဲ့လက…
တစ်ယောက်ကိုတစ်ယောက် မပိုင်ဆိုင်နိုင်ကြသလိုမျိူး
ရိုးသားစွာ…တို့ဝေးလိုက်ကြပါစို့။
ချစ်သူကို မြတ်နိုးရုံနဲ့
အရာရာကို လက်ဖြန့် မိုးစောင့်ရှောက်ချင်တဲ့လူငယ်
ခု …ချွင်းချက်နဲ့ လက်နက်ချလိုက်ပါတယ် …။
တေလေဘ၀ရဲ့
ပထမဆုရ အမှားတွေကို
လွယ်အိတ်ညိုထဲ ထည့်ပြီး
မီးအိမ်လက်ဆွဲ…
ရာဇ၀င်ထဲမှာ ခရီးဆက်ရဦးမယ်။
ထိပ်ထားရေ …
ကချေသည်တို့ရဲ့ တေးတွေနဲ့
ငြိမ်အေးပျော်ရွင် ထာဝစဉ် ချမ်းမြေ့စေသား …
ကောင်းသော မိုးသောက်ချိန်၌လည်း
ငြိမ်သက်တည်ကြည်စေ…
ငါ … ဆုတောင်းပေးနေမယ်…။
ပန်းခူးရင်း
သူငယ်ချင်းတွေနဲ့နေရင်း …
စကားပြောရင်း …
သီချင်းလေးတွေဆိုရင် …
မင်း …ငါ့ကို မေ့သွားမှာပါ …။
ခုတော့…သွားတော့နော်
ငါ ချစ်မြတ်ရတဲ့ နေရောင်ခြည်တွေနဲ့ မိန်းမပျိုကို
“ဘ၀” ဆိုတဲ့ မာယာနိုင်ငံအိုက …
စောင့်ကြိုလို့ နေရော့မယ် …
သာမည လမ်းခွဲမှာ …
ဝမ်းမနည်းသလို ငါတို့နှုတ်ဆက်
မနက်ဖြန်ခါမှာ … အောင်မြင်ပါစေ
မနက်ဖြန်ခါမှာ … အောင်မြင်ပါစေ
မနက်ဖြန်ခါတိုင်းမှာ … အောင်မြင်ပါစေ …
ထိပ်ထားရေ။
တာရာမင်းဝေ
ဗျတ်စောင်း ဘာသာဗေဒ
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
လမ်းခြမ်းအ၀ါကို မြင်လို့
ကောင်းကင်ကို မမြင်လိုက်ဘူး။
တစ်ယောက်နဲ့တစ်ယောက်
ရွာရိုးကိုးပေါက် ဝေးခဲ့မိတယ်။
ကောင်မလေးရေ
ငါ့ရဲ့
အမေတစ်ဝက်၊ ဆောင်းရာသီတစ်ဝက် ကောင်မလေးရေ
ငါ့ကို ကယ်ပါ။
ငါ့ကို ကယ်တင်တယ်လို့ သဘောမထားဘဲ
ငါ့ကိုပဲ ကယ်ပါ
မင်းရဲ့ အဖြူ တစ်ဝက်ရဲ့ အဖြူတစ်ဝက်လောက်
ငါ့ကို ဆွတ်ပေးပါ။
ရင်ဘတ်က ကြယ်ငွေ့တွေ ဖြာကျလာတဲ့အထိ
ငါ ပွင့်ပစ်လိုက်ချင်လို့ပါ။
တာရာမင်းဝေ
“မိုးခေါင်လို့ တီးတဲ့ဗုံသံ” မှ
ကျွန်တော်နှင့် ဧဒင်ကချေသည်
Wednesday, August 8, 2007 Labels: စာတိုပေစ
အိပ်မက် - တစ်
အဲဒီညက မိုးလင်းခါနီးအထိ အိပ်မပျော်ဘူး။
အိပ်ပျော်တော့ အိပ်မက် မက်တယ်။
အိပ်မက်ထဲမှာ ကျွန်တော်က စက်ဝိုင်းကြီးတစ်ခုကို တောင်ပေါ်တွန်းတင်သွားတယ်။
တောင်ပေါ်ရောက်တော့ တောင်အောက်ကို ပြန်လှိမ့်ချတယ်။
စက်ဝိုင်းကြီးက ကျွန်တော့်ကို စိတ်ပျက်လက်ပျက်ပြောတယ်။
“မင်းတို့ လူဆိုတဲ့ သတ္တ၀ါတွေဟာ အတော်ညစ်စုတ်တာပဲ”
“ဟင် . . .ဘာဖြစ်လို့လဲ”
“သူများတစ်ဖက်သားကို တွန်းတင်လိုက်၊ တွန်းချလိုက်နဲ့ ဒါကြောင့် မင်းတို့တွေ ည . . . ည အိပ်မပျော်တာ” တဲ့ . . .။
အိပ်မက် - နှစ်
ကျွန်တော် အရူးတစ်ယောက်နဲ့ တွေ့တယ်။
မေးကြည့်မိတယ်။
“အချစ်ဆိုတာကို ခင်ဗျားသိလား”
“သိတော့သိတယ်၊ ဒါပေမယ့် ပြောမပြတတ်တော့ဘူး”
“ဘာဖြစ်လို့လဲ”
“အဲဒါကို သိပြီးကတည်းက ငါခုလို ရူးသွားတာပဲ”
လန့်နိုးတော့ ကျွန်တော်တောင် ညဥ့်တော်တော်နက်နေပြီ။
အိပ်မက် - သုံး
ကျွန်တော်သူ့ကို ချစ်မိနေပြီ။
ရိုးရိုးလား . .ဆန်းဆန်းလားတော့ မတွေးတတ်ဘူး။
မောင်နှမချစ်ထက် “တစ်”ပဲပိုတာပါ။
အောက်ပါအတိုင်းပေါ့။
၅၂၈+၁
အိပ်မက် - လေး
“တစ်နေရာမှာတော့ မှားနေပြီ”
ကျွန်တော် အဲဒီလိုပြောတော့ ကမ္ဘာစောင့်ဘိုးဘိုးကြီးက ပြုံးတယ်။
“တစ်နေရာမှားတယ်ဆိုတော့ ကျန်တဲ့နေရာတွေက မှန်တယ်ပေါ့”
“အင်း”
“အဲဒါဆို .မှန်တဲ့နေရာတွေကို မှန်ကြောင်း သေချာအောင် စစ်ဆေးလိုက်ပေါ့...မှားတဲ့နေရာက ထင်ရှားလာလိမ့်မယ်”
ကမ္ဘာစောင့်ဘိုးဘိုးကြီး ပြန်သွားတယ်။
ကျွန်တော်ကျန်ရစ်တယ်။
မှန်တာတွေကို မှန်ကြောင်း သေချာအောင်စစ်တယ်။
တွေ့ပြီ။
နောက်ဆုံးကျတော့ ..မှားတာက ကျွန်တော်ပဲ ဖြစ်နေတယ်။
“တော်ပြီ”
ကျွန်တော်နှင့် ဧဒင်ကချေသည် - တာရာမင်းဝေ
ချစ်သူသို့
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
သံချေးတစ်ထပ် ရွှံတစ်ထပ်မို့
သူတို့ရဲ့ စိတ်အတင်အချက်ို
မင်း ဘယ်လိုမှ ဖတ်လို့ ရမှာ မဟုတ်ဘူး။
အာငွေ့မှုတ်သံတွေ ကြားမှာပဲ
ရယ်ကာမောကာ တစ်နွေလုံးပိတ်
ကိုယ့်ယဉ်ကျေးမှုနဲ့ ကိုယ် အိပ်ပစ်လိုက်ကွယ်..
ချစ်သူရေ
လောကမာယာဆိုတာ
အတီးခံရတဲ့ ဗုံတွေရဲ့ ဂီတပါပဲ။
စစ်တုရင် တစ်ပွဲလုံးကို
ဆွဲမှောက် ခံလိုက်ရပေမယ့်
..
ဘာဖြစ်လဲ
ဝမ်းမနည်းကြေး
တို့တွေ ရွာသွန်းကြရုံပေါ့။
ယုံကြည်ထားစမ်း
ရေခိုးရေငွေ့ကလည်း
ပင်လယ်ကို ပစ်ပေါက် စိုက်ပျိုး နိုင်တယ်ဆိုတာ။
တာရာမင်းဝေ
“မိုးခေါင်လို့ တီးတဲ့ဗုံသံ” မှ
နတ်ပူးနေတဲ့ကောင်
Sunday, August 5, 2007 Labels: ကဗျာ, မိုးခေါင်လို့တီးတဲ့ဗုံသံ
လွင့်လိုက်ရတာ
မုတ်သုန်ဘယ်နှစ်မြို့တိုင်ခဲ့ပြီလဲ၊
တယ်လီဖုန်းခေါ်သံတွေကြားတာတောင်
ပြန်မထူးဖြစ်ခဲ့တဲ့ကောင်ပါ။
မေမေရေ…
မိုးတိမ်ကြီးထဲမှာ
ခြေပစ်လက်ပစ် သား ၀င်အိပ်လိုက်ချင်ရဲ့။
ကောင်းကင်ကို ပြန်တည့်ရတာ
.…မောတယ်။
တာရာမင်းဝေ
ဥယျာဉ်
Sunday, August 5, 2007 Labels: ကဗျာ, မိုးခေါင်လို့တီးတဲ့ဗုံသံ
နဂါးတွေကသာ
တကယ်တမ်းကပြမယ်ဆိုရင်တော့
ကိုယ်ကြည့်ချင်စိတ်ရှိပါတယ်။
ဒါပေမယ့်
မျက်နှာအရေပြားတွန့်တွန့်ကြီးနဲ့လူတွေက
နဂါးနှဲမှုတ်ပြီးလူးလွန့်ပြရင်တော့
သူတို့အစား…
ကိုယ်က ပင်ပန်းပျင်းရိနေတတ်တယ်။
အဲဒီလိုပါပဲ ကောင်မလေးရယ်
မိုးတွေကတိတ်တာတောင် ကိုယ်ကရွာတုန်း။
သစ်ရွက်ကို ကိုယ်ပြန်စိုက်ဖို့ကြိုးစားဆဲမှာ
သစ်ပင်က ကြွေကျလာခဲ့.
ကိုယ်လို ပေကပ်ကပ်ကောင်ကတော့
ကျောက်တုန်းတွေကိုလည်း ငုံ့ကြည့်ခင်မင်နေခဲ့၊
ကောင်မလေးရေ…
တကယ္ဆို ကိုယ္ဟာဥယ်ာဥ္တစ္ခုပါပဲ
မြေပြင်မှာ ဘာမှမပွင့်သေးတာက လွဲရင်ပေါ့ကွယ်။
တာရာမင်းဝေ
အတိတ်
Sunday, August 5, 2007 Labels: ကဗျာ, မိုးခေါင်လို့တီးတဲ့ဗုံသံ
ဝတ်မှုန်ဆိုတာ
ပန်းရုံအိအိထဲက အက်တမ်တစ်ပွင့်ပါ။
ကြာတော့ကြာခဲ့ပါပြီ။
သူအနုမြူဗုံးလို ကွဲလွင့်တဲ့နေ့က
ကျွန်တော်…
မိုးစက်တွေထဲ သက်ငြိမ်တိတ်ဆိတ်ခဲ့ဖူးပါရဲ့။
တာရာမင်းဝေ
ရှင်ကွဲ
Sunday, August 5, 2007 Labels: ကဗျာ, မိုးခေါင်လို့တီးတဲ့ဗုံသံ
ငါတို့ရှေ့မှာ
ရထားဟာ ခါတိုင်းထက်ပိုမိုရှည်လျား
ဥသြဆွဲသံများကလည်း
ဖွာရရာ ထစ်ချုန်းပြတ်တောက်ကျနေခဲ့
နှုတ်မဆက်မိရင်လည်း အကောင်းသား
နှုတ်ဆက်လိုက်ကြတော့
ဘူတာဟာ
အ၀ါဖျော့ဖျော့နဲ့ ဂူသင်္ချိုင်းဆန်လာ
ကံကြမ္မာက
မျဉ်းတစ်ကြောင်းတည်းပေါ်မှာ
ခွာလေးဘက် မရပ်နိုင်ခဲ့ဘူး
ဘယ်သူ့ကိုမှ မပြောနဲ့
ဘယ်သူ့စကားကိုမှ နားမထောင်ဘူး
မြေလို၊ ပင်လယ်လို အက္ခရာတစ်လုံးနဲ့
ငါတို့ဆက် "ချစ်" နေကြဦးမယ်
မမေ့ဘူးကွယ်
ဘယ်တော့မှ မမေ့ပါဘူး
ရက်စက်သွယ်ပြောင်းတဲ့
မီးခိုးလက်ချောင်းတွေက
ငါ့တို့ကို အပွင့်ခူးချိန်
ရထားဟာ
လောက လူရိုင်းရဲ့မှုတ်ပြောင်းဝကနေ
အဆိပ်တွေနဲ့
တုန်ယင်စွာ လူးလွန့် ထွက်ခွာခဲ့ရပေါ့။
တာရာမင်းဝေ
ကျွန်တော်နဲ့တိမ်ညိုနိမိတ်
Sunday, August 5, 2007 Labels: ကဗျာ
ကျွန်တော်နဲ့တိမ်ညိုနိမိတ်
ဒီလမ်းမှာဘယ်သူ့ကိုမှ ခေါ်မသွားဘူးဆိုရင်တောင်
ကျွန်တော်နဲ့ဖိနပ်ကလေးကိုတော့ ခေါ်သွားရမှာပဲ။
ကျောက်စရစ်ခဲလေးက ပြောတယ်ဖေဖေ...
မြေပြင်က ဘာမှမပြောင်းလဲပါဘူး
ခြေထောက်တွေကသာ ပြောင်းလဲနေကြတာတဲ့။ ။
တာရာမင်းဝေ
ကျွန်တော်နှင့် မစံပယ်ဖြူ
Tuesday, August 7, 2007 Labels: ၀တ္ထုတို
လ၀န်းကပင်လျှင် ရနံ့ လင်းလင်းကလေးဖြင့် ပွင့် နေသည်။ ကြယ်အဖွားအို တွေက ဗျစ်တောက်တောက်နှင့်။ မိန်းမတစ်ယောက်က ပိုက်ဆံဆယ်ပြား လိုက်ရှာနေသည်။ တွေ့လျှင်သူတောင်းစားကို ပေးမည်ဟု သိရ၏။ သူတို့အကြောင်းကို ကျွန်တော် ဆက်မတွေးချင်တော့။ ခြောက်ကြိုးလုံးကိုလျှော့ထားလိုက်ပြီ။ ၀တ်ရုံက ဖားဖားကြီး ဖြစ်သည်။ ဓါတ်ပြားက ပြားပြားကြီးဖြစ်၏။ ထို့ကြောင့် ထိုသူရဲကောင်းကို ကြည့်ရသည်မှာ ဖားအပြားကြီးနှင့် တူနေသည်။ သစ်သီးအကြွေ ကောက်ကြမလား။ သူတစ်ပါး၏ ကြယ်ကြွေသံကို နားထောင်ရမှာ မသထီစရာပေ။ ငှက်ကအတောင်ပံနှင့် ပျံ၏။ နေလုံးက တောင်ပံမပါဘဲ ပျံသည်။ ဘာထူးခြားသလဲ။ ဖြစ်နိုင်ချေဆိုသည်ကတော့ များနိုင်သည်။ အားလုံးက ပန်းတစ်ပွင့် ထဲပေါ်မှာ ခုံနံပါတ် လုပြီးထိုင်နေနိုင်သည်။ တစ်ခါတစ်လေ ကိုယ့် ကိုကိုယ် ချောင်းကြည့်စမ်းပါ။ ချောင်းကြည့်ပေါက်ကိုတော့ ဘုရားသခင်ဆီ မှာမေးကြည့်ပေါ့။ အချို့ ချောက်ကမ်းပါး နှစ်ဘက်က လူတစ်ရပ်စာမျှသာ ကွာဝေးနိုင်သည်။ ကျွန်တော် ခုန်မကူးဖြစ်ပါ။ ကျွန်တော်က လူမဟုတ်၍ဖြစ်နိုင်သည်။ သို့တည်းမဟုတ် လူတစ်ယောက်အပေါ် ခုန်မကူးချင်၍လည်း ဖြစ်နိုင်သည်။ ကိုယ့်ထက်အရပ်မြင့်သော တောင်ဝှေးကို ဘယ်အချိန်မှာ ဆုပ်ကိုင်ရမည်လဲ....။ အဲဒီကြက်ဖကြီးလို ပျင်းပျင်းတွဲတွဲသာ တွန် လိုက်ချင်သည်။ လေးသည်တော်က သူ့မြားကို လိုက်အော်ခေါ် နေသည်။ လောကကြီးက ၀ိုင်းကြီးပတ်ပတ် ဒူဝေသည်။ ရေထဲမှာ မျောရင်း ခြေချော်လဲနေသည်။ ကိုယ်လက်အင်္ဂါ ပြည့်စုံပြီး အင်္ကျီဝတ်ထားသည့် လူသုံးယောက်ရောက်လာသည်။ အားလုံး တည့်မတ်သော်လည်း တစ်ခုခုလွဲနေ၏။ ပုလွေမှုတ်သံကိုရော ကြားသလား။ မြွေတွေကြားမှာ အစွယ်မချိုးဘဲ ကကြည့်စမ်းပါ။ မျက်ရည်ဆိုတာကရော ဘာတုန်း။ မျက်လုံးထဲ သဲဝင်လို့လား။ နှလုံးသားထဲ သဲဝင်လို့လား။ ထုံးစံ အတိုင်း ကျွန်တော့်စိတ်တို့  မကွဲပြားခဲ့ပါ။ ဘာပဲဖြစ်ဖြစ် မစံပယ်ဖြူ ကို ကျွန်တော် ချစ်သည်။ သူ့အကြောင်း ကဗျာတွေရေးရတာ... မပျံနိုင်သော ငှက်စုန်းတစ်ကောင် တောင်ပံခတ်နေရသလို ညို့ပြာသည်။ ပွင့်ချပ်က လေးခုတည်း။ ဖယောင်းတိုင် အလင်းက ဘာကြောင့် အ၀ါတဖွဲဖွဲ ဖြစ်နေရတာတုန်း။ ၀ုန်းဆိုပြီး မိကျောင်းက ထပွက်သည်။ မိစ္ဆာသည် တစ်ယှူဇနာမှ လှမ်းကြည့်ရဲ သူအတွက် တစ်မျိုးတစ်ဖုံ လှပနိုင်ပါသည်။ အဲဒီနေရာကို မသွားပါနဲ့ ကလေးရယ်။ အမေ့ရင်ခွင်က အလွန်ကျယ်မြပါသည်။ အိပ်မက်ကို ငံပြာရည်လို ချိုပစ်လိုက်၏။ ဘ၀က ဖိနပ်ကို ကြိုးငုံ့ ချည်နေတုန်း ........။ မစံပယ်ဖြူက ကျွန်တော့်ကို မုန်းသွားသည်....။
တာရာမင်းဝေ
(“ကြယ်ကိုးစင်းနဲ့ လင်းတဲ့ကောင်းကင်” မှ)
နှင်းလူ
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
နှင်းလူဟာ
ဂူထဲမှာ ဘီလူးဒူးတုပ်ထိုင်လျက်
အမှောင်ကြုတ်ကြုတ်ကို ကိုက်မြို ၀ါးစားရင်း
နေ နဲ့လည်း စိတ်ချင်း ဆက်သွယ်ကြည့်တယ်။
ရွှံ့မီးအိမ်နဲ့ ဝေ့ပတ်ပြီး
မြောက်အရပ်ကို ရှာဖွေကြည့်တော့
ဓူဝံကြယ် ကြွေသွားတာ ကြာပြီတဲ့။
သူရှုံးသွားတယ်
သူ့ပါးစပ်ကို သူဖြဲပြီး
မြောက်ပြန်လေက ဆောင်းတွေကို ရိုက်ခွဲကြိတ်ထည့်
လွမ်းရင် လိုက်ခဲ့လို့ မှာတယ်။
အဲဒီလိုနဲ့
နွေဦးပေါက် များစွာကို လွန်လေပြီးမှ
ပြန်လည် နိုးထလာတဲ့ ကျောက်နှင်းလူ
တောက်တစ်ချက်ခေါက်ပြီး သူ့ကိုယ်သူ ထူတယ်။
ပြီးတော့
သွေးတွေကို တဂျုံးဂျုံး ပြန်မောင်း
ကောင်းကင်ကို
ပိတောက်တွေနဲ့ တဗောင်းဗောင်းပစ်ပေါက်
မီးပွင့်မတတ်၊ ခါးထောက်ရပ်လိုက်တယ်။
ငါ..(သို့မဟုတ်)
နှင်းလူကလေးရဲ့ မှတ်တမ်းမှာ
အဲဒီဆောင်းကို ခပ်ကြမ်းကြမ်းလေး ရေးထားမိ
သတိရတိုင်း ပြန်ပြန် ဖတ်ကြည့်လို့ပေါ့။
တာရာမင်းဝေ
“မိုးခေါင်လို့တီးတဲ့ဗုံသံ” မှ
ဗဟိုကွဲအား
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
ဆောင်းခေတ်က ပေးခဲ့တဲ့
မောင်းကွဲသံ ခပ်လေးလေး တစ်ချက်ပါပဲ။
တစ်ယောက်တည်းနေရတဲ့ ငါ့ကို
ဘယ်သူနဲ့မှ မနေရအောင်
ယိုင်ယိုင်ရွဲ့ရွဲ့ လှီးခွဲသွား...။
နံပါတ်စဉ် မတပ်ရသေးတဲ့
သဲကန္တာရ တစ်ရွက်ပေါ်မှာ ပြိုလဲကျတယ်။
အဲဒီညနေပေါ့
ကောင်းကင်ကို ဆွဲချွတ်ပြီး
မြေကြီးကိုပဲ ငါပြန်ဝတ်ခဲ့ရ။
ပြီးဆုံးသွားတာ သေချာပါတယ်
နှင်းခိုးတွေ..
ပြီးတော့ ဒိုင်ယာရီချို ခါးတစ်ခွက်
ပြီးဆုံးသွားတာက သေချာပါတယ်။
မိုးတွေကို တိုးတိုးကလေး ရွာရဦးမှာပေါ့လေ
ပန်းရနံ့တွေကလည်း ခပ်မြင့်မြင့်ကနေ ပျံသန်း
ငါနဲ့ ငါ့ဖိနပ်ကလေး
သီချင်းမဆိုတော့ဘဲ ဟိုးအဝေးကို ငေးခဲ့ရတယ်။
တာရာမင်းဝေ
“မိုးခေါင်လို့တီးတဲ့ဗုံသံ” မှ
တေလေကလေး
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
မီးပွိုင့်တွေက
အနီလှိုင်းတွေနဲ့
လွှင့်ထုတ်ပစ်ခတ်ကြတယ်။
လူမိုက်လိုလို
စောင်းနေတဲ့ ဓါတ်တိုင်အိုကြီးက
ကျွန်တော့်ကို ၀င်တိုက်ပြန်ရဲ့
ထင်းရူးပင်ကြီးက
ရှည်လျားချွန်မြတဲ့ သစ်ရွက်တွေ ကွေးကုပ်
ကျွန်တော့ကို လေနဲ့ လိုက်မှုတ်တယ်။
ကျွန်တော်
ကိုယ်နဲ့ မတော်တဲ့ ဖိနပ်ကိုစီးပြီး
လမ်းအကြီးကြီးမှာ လျှောက်မိနေချိန်ပေါ့။
တိုက်တာတွေ ဖောင်းကားပျော့အိ
ဓါတ်ပေါင်းဖိုတွေလည်း
မီးခိုးငွေ့တွေပိပြီး ကွေါ်ညွှတ်ခွေယိုင်ကျ
မြေကြီးထဲက
မိုးခြိမ်းသံ တရှဲရှဲ ကြားရတယ်။
တကယ့်ကို ကြောက်စရာပါအမေ
အဲဒီညက
အိပ်မက် နည်းနည်း ရှည်သွားတယ်။
တာရာမင်းဝေ
“မိုးခေါင်လို့တီးတဲ့ဗုံသံ” မှ
သီချင်း
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
နတ်ဆိုးတွေ ငါ့ပန်းရနံ့ကို ရှုရင်းနဲ့ လဲကျ
ကောင်မလေးတစ်ယောက် ငါ့ကိုလွမ်းတဲ့ည
ငါ့ကောင်းကင် နက္ခတ်တွေ ရှက်သွေးရောင်တောက်ပ
ကောင်မလေးတစ်ယောက် ငါ့အမည် ရွတ်တဲ့ည။
ငါ့ပင်လယ် ခဲလုံးတွေ ပြုတ်ကျ
ငါ့ရင်မှာ မီးပြတိုက် ထွန်းရ
ငါတစ်ယောက်တည်း လင်း .. လင်း နေတဲ့ည
ငါတစ်ကိုယ်ထဲ လင်းသွားတဲ့ည။
သူမိုက်တွေ ဆောင်မြဲဓါးကို ယောင်ယမ်းကာ လွှတ်ချ
ကောင်မလေးတစ်ယောက် အဝေးကို ငေးတဲ့ည။
ငါ့လမ်းမှာ လျှောက်ရင်းနဲ့တောင် ကျောက်တုံးတွေ မွှေးမြ
ကောင်မလေးတစ်ယောက် ငါ့ကိုချစ်တဲ့ည။
ငါ့ကိုယ်ငါ မိုးကြိုးတွေ ပစ်ချ
ငါ့ကိုယ်မှာ မီးစုန်းတွေ ထွက်ကျ
ငါတစ်ကိုယ်တည်း လင်း.. လင်းနေတဲ့ည။
ငါတစ်ယောက်ထဲ လင်းသွားတဲ့ည။
တာရာမင်းဝေ
“မိုးခေါင်လို့ တီးတဲ့ဗုံသံ” မှ
နိုဝင်ဘာ
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
ငါ့ရဲ့ ရွှေအိပ်မက်ကို
ခြေကျင်းတွေလို ခွဲစိတ် ၀တ်ဆင်ထားတဲ့ မိန်းမ။
မြူခိုး နီညိုတွေကြားမှာ
စံပယ်တွေ ကပိုကရိုနဲ့ ... လှလို့။
ငါ.. တစ်ပွင့်ပြီး တစ်ပွင့်ပြီး တစ်ပွင့် ပြိုလဲ
နှင်းအဆက်ဆက်တိုင်အောင် ကြေကွဲခဲ့ရပေါ့။
တာရာမင်းဝေ
“မိုးခေါင်လို့ တီးတဲ့ဗုံသံ” မှ
နေကြတ်ချိန်
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
အင်္ဂါဆိုတဲ့ နေ့တစ်နေ့က
ငါ့ကို အကုန်ယူသွားတယ်။
ငါ့မှာ..တစ်ယောက်ထဲ ဖြစ်နေရတဲ့ အထဲ
ဝေါကနဲ ပျောက်ဆုံး လိုက်ရ။
ဘယ်ဆောင်းဥတုကမှ
လက်သင့်မခံတဲ့ ဆီးနှင်းတစ်စက်လို
နွေရာသီတွေဆီ လှည့်ထွက်ခဲ့ရ။
အရှင်လတ်လတ် လွမ်းလိုက်ရတာ
ဘာနဲ့မှကို မတူတော့ဘူး
မပွင့်ဘဲ ဖူးခဲ့ရတဲ့ ကောင်မို့
...
မှောင်တယ်။
လွမ်းလွမ်းဆွတ်ဆွတ် ငါတွေးမိရဲ့
ကျောက်တုံးပေါ် တင်အသွေးခံရတဲ့ဓါးလို
ငါလည်း အစားခံနေရချိန်..လို့။
တာရာမင်းဝေ
“မိုးခေါင်လို့ တီးတဲ့ဗုံသံ” မှ
ချစ်သူသို့
Wednesday, August 8, 2007 Labels: ကဗျာ, မိုးခေါင်လို့တီးတဲ့ဗုံသံ
သံချေးတစ်ထပ် ရွှံတစ်ထပ်မို့
သူတို့ရဲ့ စိတ်အတင်အချက်ို
မင်း ဘယ်လိုမှ ဖတ်လို့ ရမှာ မဟုတ်ဘူး။
အာငွေ့မှုတ်သံတွေ ကြားမှာပဲ
ရယ်ကာမောကာ တစ်နွေလုံးပိတ်
ကိုယ့်ယဉ်ကျေးမှုနဲ့ ကိုယ် အိပ်ပစ်လိုက်ကွယ်..
ချစ်သူရေ
လောကမာယာဆိုတာ
အတီးခံရတဲ့ ဗုံတွေရဲ့ ဂီတပါပဲ။
စစ်တုရင် တစ်ပွဲလုံးကို
ဆွဲမှောက် ခံလိုက်ရပေမယ့်
..
ဘာဖြစ်လဲ
ဝမ်းမနည်းကြေး
တို့တွေ ရွာသွန်းကြရုံပေါ့။
ယုံကြည်ထားစမ်း
ရေခိုးရေငွေ့ကလည်း
ပင်လယ်ကို ပစ်ပေါက် စိုက်ပျိုး နိုင်တယ်ဆိုတာ။
တာရာမင်းဝေ
“မိုးခေါင်လို့ တီးတဲ့ဗုံသံ” မှ
ပူဖောင်းကွဲသူ
Monday, August 6, 2007 Labels: ကဗျာ
ဟိုတုန်းကတော့ပူဖေါင်းလေးတွေလို ဖြူမွေ့ပါးလျား
အဲဒီ နွေရာသီလေးကို ဘယ်သူမှခိုးမစားခဲ့ကြဘူး။
မြို့ကလေးရဲ့ရင်ဘတ်ကို ကြယ်သီးဖွင့်ပြီးကြည့်လိုက်ရင်
တိမ်တွေကိုဘယ်တော့မှ တွန်းမလှဲတတ်တဲ့ကောင်းကင်
မြင်ရတယ်။
နောက်တော့လည်း
ကျွန်တော်တို့ကျွတ်ကျွတ်ရွရွဝေးကွာသွား
ဘ၀သံသရာဟာ သီချင်းထဲကလို
ရထားကြီးမဟုတ်တော့ဘူး
အကိုင်းချင်းမတူပေမယ့် ဒီအတိုင်းပွင့်ကြလိမ့်လို့
ကျွန်တော်ထင်မှတ်မှားခဲ့။
မြို့ကလေးကိုသတိရမိတဲ့တစ်နေ့မှာ
ကိုယ့်ကိုိုယ်ကို သတိမရတဲ့
နယ်လွန်သားတွေ ပြန်လည်ဆုံတွေ့ကြ
မေမေရယ်
ပူဖောင်းကိုမန်းမှုတ်သလို မှုတ်ခဲ့မိတဲ့အတွက်
ကျွန်တော်ဟာ ၀လုံးတစ်လုံးစာ စိမ့်ပြီးရှက်ခဲ့ရပေါ့။
အဲဒီမှာ
တချို့ဟာ ရယ်သလိုမောသလို အမှောင်ပွက်ပွက်ထ
တချို့ကျတော့လည်း
လိမ်မာပါးနပ်လွန်းတဲ့ အလင်းတန်းကြီး အမြှီးနှစ်ခွနဲ့။
မေမေ
အားလုံးက မမှားရအောင်
ကျွန်တော်ကပဲ မှားပေးလိုက်ပါတယ်။
ဘာပဲဖြစ်ဖြစ် အဲဒီပူဖာင်းလေးကို အသစ်ပြန်မှုတ်ဖို့
နက်ဖြန်ခါမှာမြို့ကလေးဆီ
ကျွန်တော်ဆက်ဆက်ပြန်လာမယ်….။
တာရာမင်းဝေ
No comments:
Post a Comment